# סז

> מקור: https://rabenu.app/books/thlym/700/67/

בִּשְׁבִיל זֶה נִבְרָא אִישׁ הַיִּשְֹרְאֵלִי, כְּדֵי שֶׁיַּעֲסֹק בְּתוֹרָה וּתְפִלָּה וְיַמְשִׁיךְ שֶׁפַע בָּעוֹלָם, שֶׁעַל יְדֵי זֶה נִתְגַּלֶּה אֱלֹקוּתוֹ יִתְבָּרַךְ בָּעוֹלָם: (לקו"ה על פס' ב)

א לַֽמְנַצֵּ֥חַ בִּנְגִינֹ֗ת, מִזְמ֥וֹר שִֽׁיר:

ב אֱֽלֹהִ֗ים יחׇנֵּ֥נוּ וִֽיבָרכֵ֑נוּ, יָ֤אֵֽר פָּנָ֖יו אִתָּ֣נוּ סֶֽלָה:

ג לָדַ֣עַת בָּאָ֣רֶץ דַּרְכֶּ֑ךָ, בּכׇל־גּ֜וֹיִ֗ם ישׁוּעָתֶֽךָ:

ד יוֹד֖וּךָ עַמִּ֥ים | אֱלֹהִ֑ים, ֜יוֹד֗וּךָ עַמִּ֥ים כֻּלָּֽם:

ה יִֽשְׂמח֥וּ וִֽירַנּנ֗וּ לאֻ֫מִּ֥ים, כִּֽי־תִשְׁפֹּ֣ט עַמִּ֣ים מִישֹׁ֑ר, וּלְאֻמִּ֓ים | בָּאָ֖רֶץ תַּנְחֵ֣ם סֶֽלָה:

ו יוֹד֖וּךָ עַמִּ֥ים | אֱלֹהִ֑ים, ֜יוֹד֗וּךָ עַמִּ֥ים כֻּלָּֽם:

ז ֖אֶרֶץ נָתנָ֣ה יבוּלָ֑הּ, ֜יבָֽרכֵ֗נוּ אֱלֹהִ֥ים אֱלֹהֵֽינוּ:

ח יבָרכֵ֥נוּ אֱלֹהִ֑ים, ויִֽירא֥וּ ֜אוֹת֗וֹ כׇּל־אַפְסֵי־אָֽרֶץ: