# קיג

> מקור: https://rabenu.app/books/thlym/708/113/

יִשְׁתַּדֵּל לְהַבִּיט עַל ה' וְנִפְלְאוֹתָיו אֲשֶׁר הִפְלִיא חַסְדּוֹ עִמָּנוּ, וְיַעֲנֶה לַה' דְּבָרִים הַרְבֵּה לְהוֹדוֹת וּלְהַלֵּל אוֹתוֹ יִתְבָּרַךְ עַל חַסְדּוֹ וְנִפְלְאוֹתָיו: (לקו"ה על פס' ז)

א הַֽללוּ־יָ֨הּ |, ֖הַללוּ עַבְדֵ֣י יְהֹוָ֑ה, ֜הַלל֗וּ אֶת־שֵׁ֥ם יְהֹוָֽה:

ב יהִ֤י שֵׁ֣ם יְהֹוָ֣ה מבֹרָ֑ךְ, ֜מֵעַתָּ֗ה ועַד־עוֹלָֽם:

ג מִמִּזְרַח־שֶׁ֥מֶשׁ עַד־מבוֹא֑וֹ, ֜מהֻלָּ֗ל שֵׁ֣ם יְהֹוָֽה:

ד רָ֖ם עַל־כׇּל־גּוֹיִ֥ם | יְהֹוָ֑ה, עַ֖ל הַשָּׁמַ֣יִם כּבוֹדֽוֹ:

ה ֖מִי כַּיהֹוָ֣ה אֱלֹהֵ֑ינוּ, הַֽמַּגְבִּיהִ֥י לָשָֽׁבֶת:

ו הַֽמַּשְׁפִּילִ֥י לִרְא֑וֹת, בַּשָּׁמַ֥יִם וּבָאָֽרֶץ:

ז מקִֽימִ֣י מֵעָפָ֣ר דָּ֑ל, ֜מֵאַשְׁפֹּ֗ת יָרִ֥ים אֶבְיֽוֹן:

ח להוֹשִׁיבִ֥י עִם־נדִיבִ֑ים, ֜עִם נדִיבֵ֥י עַמּֽוֹ:

ט מֽוֹשִׁיבִ֨י | עֲקֶ֬רֶת הַבַּ֗יִת, אֵֽם־הַבָּנִ֥ים שׂמֵחָ֗ה, הַֽללוּ־יָֽהּ: