# קמד

> מקור: https://rabenu.app/books/thlym/708/144/

צָּרִיךְ לְבַלּוֹת כָּל יָמָיו לְבַקֵּשׁ וּלְחַפֵּשׂ אַחַר רְצוֹנוֹ יִתְבָּרַךְ, וּלְבַטֵּל כָּל רְצוֹנוֹתָיו נֶגֶד רְצוֹנוֹ יִתְבָּרַךְ: (לקו"ה על פס' ד)

א לדָוִ֨ד |, בָּ֘ר֤וּךְ יְהֹוָ֨ה | צוּרִ֗י, הַֽמלַמֵּ֣ד יָדַ֣י לַקְרָ֑ב, ֜אֶצְבּעוֹתַ֗י לַמִּלְחָמָֽה:

ב חַסְדִּ֥י וּמְצוּדָתִי֘, מִשְׂגַּבִּ֪י וּֽמְפַלְטִ֫י לִ֥י, ֖מָגִנִּי וּב֣וֹ חָסִ֑יתִי, הָרוֹדֵ֖ד עַמִּ֣י תַחְתָּֽי:

ג יְֽהֹוָ֗ה, מָה־֖אָדָם וַתֵּדָעֵ֑הוּ, בֶּן־אֱ֜נ֗וֹשׁ וַֽתּחַשּׁבֵֽהוּ:

ד ֖אָדָם לַהֶ֣בֶל דָּמָ֑ה, ֜יָמָ֗יו כּצֵ֣ל עוֹבֵֽר:

ה ֖יְהֹוָה הַט־שָׁמֶ֣יךָ ותֵרֵ֑ד, גַּ֖ע בֶּֽהָרִ֣ים וֽיֶעֱשָֽׁנוּ:

ו בּר֣וֹק ֖בָּרָק וּתְפִיצֵ֑ם, שׁלַ֥ח ֜חִצֶּ֗יךָ וּתְהֻמֵּֽם:

ז שׁלַ֥ח יָדֶ֗יךָ מִמָּ֫ר֥וֹם, פּצֵ֣נִי ֖והַצִּילֵנִי מִמַּ֣יִם רַבִּ֑ים, ֜מִיַּ֗ד בּֽנֵ֣י נֵכָֽר:

ח אֲשֶׁ֣ר ֖פִּיהֶם דִּבֶּר־שָׁ֑וְא, ֜וִימִינָ֗ם ימִ֣ין שָֽׁקֶר:

ט אֱֽלֹהִ֗ים שִׁ֣יר ֖חָדָשׁ אָשִׁ֣ירָה לָּ֑ךְ, בּנֵ֥בֶל ֜עָשׂ֗וֹר אֲזַמּרָה־לָּֽךְ:

י הַנּוֹתֵ֥ן תּשׁוּעָ֗ה לַמּלָ֫כִ֥ים, ֖הַפּוֹצֶה אֶת־דָּוִ֥ד ֜עַבְדּ֗וֹ מֵחֶ֥רֶב רָעָֽה:

יא פּצֵ֥נִי והַצִּילֵנִי֘ מִיַּ֪ד בּֽנֵי־נֵ֫כָ֥ר, אֲשֶׁ֣ר ֖פִּיהֶֽם דִּבֶּר־שָׁ֑וְא, ֜וִימִינָ֗ם ימִ֣ין שָֽׁקֶר:

יב אֲשֶׁ֤ר בָּנֵ֨ינוּ | כִּנְטִעִים֘ מגֻדָּלִ֪ים בִּנְעוּרֵ֫יהֶ֥ם, בּנוֹתֵ֥ינוּ כזָוִיֹּ֑ת, ֜מחֻטָּב֗וֹת תַּבְנִ֥ית הֵיכָֽל:

יג מזָוֵ֣ינוּ מלֵאִים֘ מפִיקִ֥ים מִזַּ֗ן אֶ֫ל זַ֥ן, צֹאונֵ֣נוּ ֖מַאֲלִיפוֹת ֜מרֻבָּב֗וֹת בּחוּצוֹתֵֽינוּ:

יד אַלּוּפֵ֗ינוּ מֽסֻבָּ֫לִ֥ים, אֵ֥ין ֖פֶּרֶץ ואֵ֣ין יוֹצֵ֑את, ואֵ֥ין ֜צוָחָ֗ה בִּרְחֹבֹתֵֽינוּ:

טו אַשְׁרֵ֣י ֖הָעָֽם שֶׁכָּ֣כָה לּ֑וֹ, אַֽשׁרֵ֥י ֜הָעָ֗ם שֶֽׁיְהֹוָ֥ה אֱלֹהָֽיו: