# טז

> מקור: https://rabenu.app/books/thlym/897/16/

צְּרִיכִין לֵידַע וּלְהַאֲמִין שֶׁמְּלֹא כָל הָאָרֶץ כְּבוֹדוֹ וְהוּא יוֹשֵׁב וְעוֹמֵד וְכוּ' תָּמִיד לִפְנֵי מֶלֶךְ מַלְכֵי הַמְלָכִים הַקָּדוֹשׁ בָּרוּךְ הוּא: (לקו"ה על פס' ח)

א מִכְתָּ֥ם לדָוִ֑ד, שָֽׁמרֵ֥נִי ֜אֵל כִּי־חָסִ֥יתִי בָֽךְ:

ב אָמַ֣רְתְּ ֖לַיהֹוָה אֲדֹנָ֣י אָ֑תָּה, ֜טוֹבָתִ֗י בַּל־עָלֶֽיךָ:

ג ֖לִקְדוֹשִׁים אֲשֶׁר־בָּאָ֣רֶץ הֵ֑מָּה, ֜ואַדִּירֵ֗י כׇּל־חֶפְצִי־בָֽם:

ד יִרְבּ֥וּ עַצּבוֹתָם֘ אַחֵ֪ר מָ֫הָ֥רוּ, בַּל־אַסִּ֣יךְ נִסְכֵּיהֶ֣ם מִדָּ֑ם, וּֽבַל־אֶשָּׂ֥א אֶת־֜שׁמוֹתָ֗ם עַל־שׂפָתָֽי:

ה יְֽהֹוָ֗ה מנָת־חֶלְקִ֥י וכוֹסִ֑י, ֜אַתָּ֗ה תּוֹמִ֥יךְ גּוֹרָלִֽי:

ו חֲבָלִ֣ים נָֽפלוּ־֖לִי בַּנּעִמִ֑ים, אַף־֜נַחֲלָ֗ת שָֽׁפרָ֥ה עָלָֽי:

ז אֲבָרֵ֗ךְ אֶת־֖יְהֹוָה אֲשֶׁ֣ר יעָצָ֑נִי, אַף־֜לֵיל֗וֹת יִסּר֥וּנִי כִלְיוֹתָֽי:

ח שִׁוִּ֬יתִי יְהֹוָ֣ה לנֶגְדִּ֣י תָמִ֑יד, כִּ֥י ֜מִימִינִ֗י, בַּל־אֶמּֽוֹט:

ט לָכֵ֤ן | שָׂמַ֣ח ֖לִבִּי וַיָּ֣גֶל כּבוֹדִ֑י, אַף־֜בּשָׂרִ֗י יִשְׁכֹּ֥ן לָבֶֽטַח:

י כִּ֤י | לֹא־תַעֲזֹ֣ב נַפְשִׁ֣י לִשְׁא֑וֹל, לֹֽא־תִתֵּ֥ן ֜חֲסִידךָ֗ לִרְא֥וֹת שָֽׁחַת:

יא תּוֹדִיעֵנִי֘ אֹ֪רַח חַ֫יִּ֥ים, שֹׂ֣בַע ֖שׂמָחוֹת אֶת־פָּנֶ֑יךָ, נעִמ֖וֹת בִּימִינךָ֣ נֶֽצַח: