ס

בְּכָל עֵת וָעֵת בִּפְרָט בְּעֵת צָרָה חַס וְשָׁלוֹם, יִתֵּן עֵינֵי לִבּוֹ וְדַעְתּוֹ לְהִסְתַּכֵּל וּלְהִתְבּוֹנֵן הֵיטֵב עַל חַסְדֵי ה' וְטוֹבוֹתָיו שֶׁעָשָׂה עִמּוֹ עַד הֵנָּה: (לקו"ה על פס' יא)

א ֖לַֽמְנַצֵּחַ, עַל־שׁוּשַׁ֣ן עֵד֑וּת, מִכְתָּ֖ם לדָוִ֣ד ללַמֵּֽד:

ב בּהַצּוֹת֨וֹ | אֶ֥ת אֲרַ֣ם נַֽהֲרַֽיִם֘ ואֶת־אֲרַ֪ם צ֫וֹבָ֥ה, וַיָּ֤שׇׁב יוֹאָ֗ב וַיַּ֣ךְ אֶת־אֱד֣וֹם בּגֵיא־מֶ֑לַח שׁנֵ֖ים עָשָׂ֣ר אָֽלֶף:

ג ֖אֱלֹהִים זנַחְתָּ֣נוּ פרַצְתָּ֑נוּ, ֜אָנַ֗פְתָּ, תּשׁ֣וֹבֵֽב לָֽנוּ:

ד הִרְעַ֣שְׁתָּה אֶ֣רֶץ פּצַמְתָּ֑הּ, רפָ֖ה שׁבָרֶ֣יהָ כִי־מָֽטָה:

ה הִרְאִ֣יתָ עַמּךָ֣ קָשָׁ֑ה, ֜הִשְׁקִיתָ֗נוּ יַ֣יִן תַּרְעֵלָֽה:

ו נָ֘תַ֤תָּה לִּירֵאֶ֣יךָ ֖נֵּס להִתְנוֹסֵ֑ס, ֜מִפּנֵ֖י קֹ֣שֶׁט סֶֽלָה:

ז ֖למַעַן יֵחָלצ֣וּן ידִידֶ֑יךָ, הוֹשִׁ֖יעָה ימִינךָ֣ וַעֲנֵֽנִי ועננו:

ח אֱלֹהִ֤ים | דִּבֶּ֥ר בּקׇדְשׁ֗וֹ, אֶ֫עְלֹ֥זָה, אֲחַלּקָ֥ה שׁכֶ֑ם, ועֵ֖מֶק סֻכּ֣וֹת אֲמַדֵּֽד:

ט לִ֤י גִלְעָ֨ד | ולִ֬י מנַשֶּׁ֗ה, ֖ואֶפְרַיִם מָע֣וֹז רֹאשִׁ֑י, ֜יהוּדָ֗ה מחֹקקִֽי:

י מוֹאָ֤ב | סִ֬יר רַחְצִ֗י, עַל־֖אֱדוֹם אַשְׁלִ֣יךְ נַֽעֲלִ֑י, ֜עָלַ֗י פּלֶ֣שֶׁת הִתְרוֹעָֽעִי:

יא מִ֣י ֖יוֹבִלֵנִי עִ֣יר מָצ֑וֹר, מִ֖י נָחַ֣נִי עַד־אֱדֽוֹם:

יב הֲלֹֽא־אַתָּ֣ה אֱלֹהִ֣ים זנַחְתָּ֑נוּ, וֽלֹא־תֵצֵ֥א ֜אֱלֹהִ֗ים בּצִבְאוֹתֵֽינוּ:

יג הָֽבָה־לָּ֣נוּ עֶזְרָ֣ת מִצָּ֑ר, ֜ושָׁ֗וְא תּשׁוּעַ֥ת אָדָֽם:

יד בֵּאלֹהִ֥ים נַֽעֲשֶׂה־חָ֑יִל, ֜וה֗וּא יָב֥וּס צָרֵֽינוּ: