יט

עִקַּר הַחִיּוּת בֶּאֱמֶת, כְּשֶׁזּוֹכִין לְהַתְחִיל בְּכָל פַּעַם מֵחָדָשׁ בַּעֲבוֹדַת ה' שֶׁהוּא עִקַּר הַחַיִּים בֶּאֱמֶת: (לקו"ה על פס' ג)

א לַֽמְנַצֵּ֗חַ, מִזְמ֥וֹר לדָוִֽד:

ב הַשָּׁמַ֗יִם מֽסַפּרִ֥ים כּב֥וֹד אֵ֑ל, וּמַעֲשֵׂ֥ה ֜יָדָ֗יו מַגִּ֥יד הָרָקִֽיעַ:

ג י֣וֹם ֖ליוֹם יַבִּ֣יעַֽ אֹ֑מֶר, ולַ֥יְלָה ֜ללַ֗יְלָה יחַוֶּה־דָּֽעַת:

ד אֵין־֖אֹמֶר ואֵ֣ין דּבָרִ֑ים, ֜בּלִ֗י נִשְׁמָ֥ע קוֹלָֽם:

ה בּכׇל־הָאָ֨רֶץ | יָ֘צָ֤א קַוָּ֗ם, וּבִקְצֵ֣ה ֖תֵבֵל מִלֵּיהֶ֑ם, ֜לַשֶּׁ֗מֶשׁ שָֽׂם־אֹ֥הֶל בָּהֶֽם:

ו וה֗וּא ֖כּחָתָן יֹצֵ֣א מֵחֻפָּת֑וֹ, יָשִׂ֥ישׂ ֜כּגִבּ֗וֹר לָר֥וּץ אֹֽרַח:

ז מִקְצֵ֤ה הַשָּׁמַ֨יִם | מֽוֹצָא֗וֹ, וּתְקוּפָת֥וֹ עַל־קצוֹתָ֑ם, ואֵ֥ין ֜נִסְתָּ֗ר מֵחַמָּתֽוֹ:

ח תּ֘וֹרַ֤ת יְהֹוָ֣ה ֖תּמִימָה, משִׁ֣יבַת נָ֑פֶשׁ, עֵד֖וּת יְהֹוָ֣ה ֜נֶאֱמָנָ֗ה, מַחְכִּ֥ימַת פֶּֽתִי:

ט פִּקּ֘וּדֵ֤י יְהֹוָ֣ה ֖ישָׁרִים, משַׂמּחֵי־לֵ֑ב, מִצְוַ֥ת יְהֹוָ֥ה ֜בָּרָ֗ה, מאִירַ֥ת עֵינָֽיִם:

י יִרְאַ֤ת יְהֹוָ֨ה | טהוֹרָה֘, עוֹמֶ֪דֶת לָ֫עַ֥ד, מִֽשְׁפּטֵי־יְהֹוָ֥ה אֱמֶ֑ת, צָדק֥וּ יַחְדָּֽו:

יא הַנֶּֽחֱמָדִ֗ים ֖מִזָּהָב וּמִפָּ֣ז [י"ג וּמִפַּ֣ז] רָ֑ב, וּמְתוּקִ֥ים ֜מִדּבַ֗שׁ ונֹ֣פֶת צוּפִֽים:

יב גַּ֥ם־עַ֖בְדּךָ נִזְהָ֣ר בָּהֶ֑ם, ֜בּשׇׁמְרָ֗ם עֵ֣קֶב רָֽב:

יג שׁגִיא֥וֹת מִֽי־יָבִ֑ין, מִֽנִּסְתָּר֥וֹת נַקֵּֽנִי:

יד גַּ֤ם מִזֵּדִ֨ים | חֲשֹׂ֬ךְ עַבְדֶּ֗ךָ, אַֽל־יִמְשׁלוּ־֣בִי אָ֣ז אֵיתָ֑ם, ֜ונִקֵּ֗יתִי מִפֶּ֥שַׁע רָֽב:

טו יִֽהְי֥וּ לרָצ֨וֹן | אִמְרֵי־פִ֡י והֶגְי֣וֹן לִבִּ֣י לפָנֶ֑יךָ, ֜יְהֹוָ֗ה צוּרִ֥י וגֹאֲלִֽי: