קח

יַזְכִּיר אֶת עַצְמוֹ רִבּוּי הַטּוֹבוֹת וְהַחֲסָדִים שֶׁעָשָׂה ה' יִתְבָּרַךְ עִמּוֹ מֵעוֹדוֹ עַד הַיּוֹם הַזֶּה, וְעַל יְדֵי זֶה יִתְחַזֵּק לְבָבוֹ לִבְטֹחַ בַּה' שֶׁיִּשְׁמַע תְּפִלָּתוֹ גַּם עַתָּה: (לקו"ה על פס' יא)

א שִׁ֖יר מִזְמ֣וֹר לדָוִֽד:

ב נָכ֣וֹן לִבִּ֣י אֱלֹהִ֑ים, אָשִׁ֥ירָה ֜וַאֲזַמּרָ֗ה, אַף־כּבוֹדִֽי:

ג ֖עוּרָֽה הַנֵּ֥בֶל וכִנּ֗וֹר, אָעִ֥ירָה שָּֽׁחַר:

ד אֽוֹדךָ֖ בָעַמִּ֥ים | יְהֹוָ֑ה, ֜וַאֲזַמֶּרְךָ֗ בַּלְאֻמִּֽים:

ה כִּי־גָד֣וֹל מֵעַל־שָׁמַ֣יִם חַסְדֶּ֑ךָ, וֽעַד־שׁחָקִ֥ים אֲמִתֶּֽךָ:

ו ר֣וּמָה עַל־שָׁמַ֣יִם אֱלֹהִ֑ים, ועַ֖ל כׇּל־הָאָ֣רֶץ כּבוֹדֶֽךָ:

ז ֖למַעַן יֵחָלצ֣וּן ידִידֶ֑יךָ, הוֹשִׁ֖יעָה ימִינךָ֣ וַעֲנֵֽנִי:

ח אֱלֹהִ֤ים | דִּבֶּ֥ר בּקׇדְשׁ֗וֹ, אֶֽ֫עְלֹ֥זָה, אֲחַלּקָ֥ה שׁכֶ֑ם, ועֵ֖מֶק סֻכּ֣וֹת אֲמַדֵּֽד:

ט לִ֤י גִלְעָ֨ד | לִִ֤י מנַשֶּׁ֗ה, ֖ואֶפְרַיִם מָע֣וֹז רֹאשִׁ֑י, ֜יהוּדָ֗ה מחֹקקִֽי:

י מוֹאָ֤ב | סִ֬יר רַחְצִ֗י, עַל־֖אֱדוֹם אַשְׁלִ֣יךְ נַֽעֲלִ֑י, עֲלֵי־֜פלֶ֗שֶׁת אֶתְרוֹעָֽע:

יא מִ֣י ֖יוֹבִילֵנִי עִ֣יר מִבְצָ֑ר, מִ֖י נָחַ֣נִי עַד־אֱדֽוֹם:

יב הֲלֹֽא־אֱלֹהִ֥ים זנַחְתָּ֑נוּ, וֽלֹא־תֵצֵ֥א ֜אֱלֹהִ֗ים בּצִבְאֹתֵֽינוּ:

יג הָבָה־לָּ֣נוּ עֶזְרָ֣ת מִצָּ֑ר, ֜ושָׁ֗וְא תּשׁוּעַ֥ת אָדָֽם:

יד בֵּאלֹהִ֥ים נַעֲשֶׂה־חָ֑יִל, ֜וה֗וּא יָב֥וּס צָרֵֽינוּ: