א

א אַשְׁרֵ֥י תְמִֽימֵי־דָ֑רֶךְ, ֜הַהֹלְכִ֗ים בְּתוֹרַ֥ת יְהֹוָֽה:

ב ֖אַשְׁרֵי נֹצְרֵ֥י עֵדֹתָ֗יו, בְּכׇל־לֵ֥ב יִדְרְשֽׁוּהוּ:

ג ֖אַף לֹֽא־פָעֲל֣וּ עַוְלָ֑ה, בִּדְרָכָ֥יו הָלָֽכוּ:

ד ֖אַתָּה צִוִּ֥יתָה פִקֻּדֶ֗יךָ לִשְׁמֹ֥ר מְאֹֽד:

ה ֖אַחֲלַי יִכֹּ֥נוּ דְרָכָ֗י לִשְׁמֹ֥ר חֻקֶּֽיךָ:

ו אָ֥ז לֹֽא־אֵב֑וֹשׁ, ֜בְּהַבִּיטִ֗י אֶל־כׇּל־מִצְוֹתֶֽיךָ:

ז ֖אוֹדְךָ בְּיֹ֣שֶׁר לֵבָ֑ב, ֜בְּלׇמְדִ֗י מִשְׁפְּטֵ֥י צִדְקֶֽךָ:

ח אֶת־חֻקֶּ֥יךָ אֶשְׁמֹ֑ר, אַֽל־תַּעַזְבֵ֥נִי עַד־מְאֹֽד: