ר

קנג רְאֵֽה־עׇנְיִ֥י וְחַלְּצֵ֑נִי, כִּי־֜תֽוֹרָתְךָ֗ לֹ֣א שָׁכָֽחְתִּי:

קנד רִיבָ֣ה ֖רִיבִי וּגְאָלֵ֑נִי, לְאִמְרָתְךָ֥ חַיֵּֽנִי:

קנה רָח֣וֹק מֵרְשָׁעִ֣ים יְשׁוּעָ֑ה, כִּֽי־֜חֻקֶּ֗יךָ לֹ֣א דָרָֽשׁוּ:

קנו רַחֲמֶ֖יךָ רַבִּ֥ים | יְהֹוָ֑ה, כְּֽמִשְׁפָּטֶ֥יךָ חַיֵּֽנִי:

קנז ֖רַבִּים רֹדְפַ֣י וְצָרָ֑י, ֜מֵעֵדְוֹתֶ֗יךָ לֹ֣א נָטִֽיתִי:

קנח רָאִ֣יתִי ֖בֹֽגְדִים וָֽאֶתְקוֹטָ֑טָה, אֲשֶׁ֥ר ֜אִמְרָתְךָ֗ לֹ֣א שָׁמָֽרוּ:

קנט ֖רְאֵה כִּי־פִקּוּדֶ֣יךָ אָהָ֑בְתִּי, ֜יְהֹוָ֗ה כְּֽחַסְדְּךָ֥ חַיֵּֽנִי:

קס רֹאשׁ־דְּבָרְךָ֥ אֱמֶ֑ת, ֜וּלְעוֹלָ֗ם כׇּל־מִשְׁפַּ֥ט צִדְקֶֽךָ: