קכא

בְּכָל מָקוֹם יְכוֹלִין לִהְיוֹת סְמוּכִין אֵלָיו יִתְבָּרַךְ אֲפִלּוּ בִּשְׁאוֹל תַּחְתִּיּוֹת חַס וְשָׁלוֹם, וּצְרִיכִין לִזָּהֵר לֵילֵךְ בָּזֶה כָּל אָדָם שֶׁבָּעוֹלָם, כִּי הוּא יְסוֹד הַכֹּל: (לקו"ה על פס' ד)

א שִׁ֗יר לַמַּ֫עֲל֥וֹת, אֶשָּׂ֣א ֖עֵינַי אֶל־הֶֽהָרִ֑ים, ֜מֵאַ֗יִן יָבֹ֥א עֶזְרִֽי:

ב ֖עֶזְרִי מֵעִ֣ם יְהֹוָ֑ה, ֜עֹשֵׂ֗ה שָׁמַ֥יִם וָאָֽרֶץ:

ג אַל־יִתֵּ֣ן לַמּ֣וֹט רַגְלֶ֑ךָ, אַל־֜יָנ֗וּם שֹׁמְרֶֽךָ:

ד הִנֵּ֣ה לֹֽא־֖יָנוּם וְלֹ֣א יִישָׁ֑ן, ֜שׁוֹמֵ֗ר יִשְׂרָאֵֽל:

ה יְהֹוָ֥ה שֹׁמְרֶ֑ךָ, יְהֹוָ֥ה ֜צִלְּךָ֗ עַל־יַ֥ד יְמִינֶֽךָ:

ו יוֹמָ֗ם הַשֶּׁ֥מֶשׁ לֹא־יַכֶּ֗כָּה, וְיָרֵ֥חַ בַּלָּֽיְלָה:

ז יְֽהֹוָ֗ה יִשְׁמׇרְךָ֥ מִכׇּל־רָ֑ע, ֜יִשְׁמֹ֗ר אֶת־נַפְשֶֽׁךָ:

ח יְֽהֹוָ֗ה יִשְׁמׇר־צֵאתְךָ֥ וּבוֹאֶ֑ךָ, ֜מֵעַתָּ֗ה וְעַד־עוֹלָֽם: