עִקַּר הַשִֹּמְחָה הוּא כְּשֶׁמַּרְגִּישִׁין בַּלֵּב יְדִיעַת אֱלֹקוּתוֹ יִתְבָּרַךְ, שֶׁמִּשָּׁם נִמְשָׁכִין כָּל הַשְֹּמָחוֹת שֶׁבָּעוֹלָם: (לקו"ה על פס' ב)
א מִזְמ֥וֹר לְתוֹדָ֑ה, הָרִ֥יעוּ ֜לַיהֹוָ֗ה כׇּל־הָאָֽרֶץ:
ב עִבְד֣וּ אֶת־יְהֹוָ֣ה בְּשִׂמְחָ֑ה, בֹּ֥אוּ ֜לְפָנָ֗יו בִּרְנָנָֽה:
ג דְּע֗וּ כִּֽי־יְהֹוָה֘ ה֤וּא אֱלֹ֫הִ֥ים, הֽוּא־֖עָשָׂנוּ ול֣וֹ וְלא אֲנָ֑חְנוּ, ֜עַמּ֗וֹ וְצֹ֣אן מַרְעִיתֽוֹ:
ד בֹּ֤אוּ שְׁעָרָ֨יו | בְּתוֹדָ֗ה, חֲצֵרֹתָ֥יו בִּתְהִלָּ֑ה, הֽוֹדוּ־֜לוֹ בָּרכ֥וּ שְׁמֽוֹ:
ה כִּי־ט֣וֹב ֖יְהֹוָה לְעוֹלָ֣ם חַסְדּ֑וֹ, וְעַד־דּ֥וֹר ֜וָד֗וֹר אֱמוּנָתֽוֹ: