ישתדל להביט על ה' ונפלאותיו אשר הפליא חסדו עמנו, ויענה לה' דברים הרבה להודות ולהלל אותו יתברך על חסדו ונפלאותיו: (לקו"ה על פס' ז)
א הללו־יה |, הללו עבדי יהוה, הללו את־שם יהוה:
ב יהי שם יהוה מברך, מעתה ועד־עולם:
ג ממזרח־שמש עד־מבואו, מהלל שם יהוה:
ד רם על־כל־גוים | יהוה, על השמים כבודו:
ה מי כיהוה אלהינו, המגביהי לשבת:
ו המשפילי לראות, בשמים ובארץ:
ז מקימי מעפר דל, מאשפת ירים אביון:
ח להושיבי עם־נדיבים, עם נדיבי עמו:
ט מושיבי | עקרת הבית, אם־הבנים שמחה, הללו־יה: