מ

צז מָֽה־אָהַ֥בְתִּי תוֹרָתֶ֑ךָ, כׇּל־֜הַיּ֗וֹם הִ֣יא שִׂיחָתִֽי:

צח ֖מֵאֹיְבַי תְּחַכְּמֵ֣נִי מִצְוֹתֶ֑ךָ, כִּ֖י לְעוֹלָ֣ם הִיא־לִֽי:

צט מִכׇּל־מְלַמְּדַ֥י הִשְׂכַּ֑לְתִּי, כִּ֥י ֜עֵֽדְוֹתֶ֗יךָ שִׂ֣יחָה לִֽי:

ק מִזְּקֵנִ֥ים אֶתְבּוֹנָ֑ן, כִּ֖י פִקּוּדֶ֣יךָ נָצָֽרְתִּי:

קא מִכׇּל־אֹ֣רַח ֖רָע כָּלִ֣אתִי רַגְלָ֑י, ֜לְמַ֗עַן אֶשְׁמֹ֥ר דְּבָרֶֽךָ:

קב מִמִּשְׁפָּטֶ֥יךָ לֹא־סָ֑רְתִּי, כִּי־֜אַתָּ֗ה הוֹרֵתָֽנִי:

קג מַה־נִּמְלְצ֣וּ ֖לְחִכִּי אִמְרָתֶ֗ךָ, מִדְּבַ֥שׁ לְפִֽי:

קד מִפִּקּוּדֶ֥יךָ אֶתְבּוֹנָ֑ן, עַל־֜כֵּן שָׂנֵ֤אתִי | כׇּל־אֹ֬רַח שָֽׁקֶר: