נ

קה נֵר־לְרַגְלִ֥י דְבָרֶ֑ךָ, ֜וְא֗וֹר לִנְתִיבָתִֽי:

קו נִשְׁבַּ֥עְתִּי וָאֲקַיֵּ֑מָה, ֜לִשְׁמֹ֗ר מִשְׁפְּטֵ֥י צִדְקֶֽךָ:

קז נַעֲנֵ֥יתִי עַד־מְאֹ֑ד, ֜יְהֹוָ֗ה חַיֵּ֥נִי כִדְבָרֶֽךָ:

קח נִדְב֣וֹת ֖פִּי רְצֵה־נָ֣א יְהֹוָ֑ה, וּֽמִשְׁפָּטֶ֥יךָ לַמְּדֵֽנִי:

קט נַפְשִׁ֣י בְכַפִּ֣י תָמִ֑יד, ֜וְתֽוֹרָתְךָ֗ לֹ֣א שָׁכָֽחְתִּי:

קי נָתְנ֬וּ רְשָׁעִ֣ים פַּ֣ח לִ֑י, ֜וּמִפִּקּוּדֶ֗יךָ לֹ֣א תָעִֽיתִי:

קיא נָחַ֣לְתִּי עֵדְוֹתֶ֣יךָ לְעוֹלָ֑ם, כִּֽי־שְׂשׂ֖וֹן לִבִּ֣י הֵֽמָּה:

קיב נָטִ֣יתִי ֖לִבִּי לַעֲשׂ֥וֹת חֻקֶּ֗יךָ, לְעוֹלָ֥ם עֵֽקֶב: