ס

קיג סֵעֲפִ֥ים שָׂנֵ֑אתִי, וְֽתוֹרָתְךָ֥ אָהָֽבְתִּי:

קיד סִתְרִ֣י וּמָגִנִּ֣י אָ֑תָּה, לִדְבָרְךָ֥ יִחָֽלְתִּי:

קטו סֽוּרוּ מִמֶּ֥נִּי מְרֵעִ֑ים, ֜וְאֶצְּרָ֗ה מִצְוֹ֥ת אֱלֹהָֽי:

קטז סׇמְכֵ֣נִי כְאִמְרָתְךָ֣ וְאֶֽחְיֶ֑ה, וְאַל־֜תְּבִישֵׁ֗נִי מִשִּׂבְרִֽי:

קיז סְעָדֵ֥נִי וְאִוָּשֵׁ֑עָה, וְאֶשְׁעָ֖ה בְחֻקֶּ֣יךָ תָמִֽיד:

קיח ֖סָלִיתָ כׇּל־שׁוֹגִ֣ים מֵחֻקֶּ֑יךָ, כִּי־֜שֶׁקֶר תַּרְמִיתָֽם:

קיט סִגִ֗ים הִשְׁבַּ֥תָּ כׇל־רִשְׁעֵי־אָ֑רֶץ, ֜לָכֵ֗ן אָהַ֥בְתִּי עֵדֹתֶֽיךָ:

קכ סָמַ֣ר מִפַּחְדְּךָ֣ בְשָׂרִ֑י, וּמִמִּשְׁפָּטֶ֥יךָ יָרֵֽאתִי: