ל

פט לְעוֹלָ֥ם יְהֹוָ֑ה ֜דְּבָרְךָ֗ נִצָּ֥ב בַּשָּׁמָֽיִם:

צ לְדֹ֣ר ֖וָדֹר אֱמוּנָתֶ֑ךָ, כּוֹנַ֥נְתָּ ֜אֶרֶץ וַתַּעֲמֹֽד:

צא ֖לְֽמִשְׁפָּטֶיךָ עָמְד֣וּ הַיּ֑וֹם, כִּ֖י הַכֹּ֣ל עֲבָדֶֽיךָ:

צב לוּלֵ֣י ֖תוֹרָתְךָֽ שַׁעֲשֻׁעָ֑י, ֜אָז אָבַ֥דְתִּי בְעׇנְיִֽי:

צג ֖לְעוֹלָם לֹֽא־אֶשְׁכַּ֣ח פִּקּוּדֶ֑יךָ, כִּ֥י ֜בָם חִיִּיתָֽנִי:

צד לְֽךָ־֖אֲנִי הוֹשִׁיעֵ֑נִי, כִּ֖י פִקּוּדֶ֣יךָ דָרָֽשְׁתִּי:

צה לִ֤י קִוּ֣וּ רְשָׁעִ֣ים לְאַבְּדֵ֑נִי, ֜עֵדֹתֶ֗יךָ אֶתְבּוֹנָֽן:

צו לְֽכׇל־֖תִּכְלָֽה רָאִ֣יתִי קֵ֑ץ, רְחָבָ֖ה מִצְוָֽתְךָ֣ מְאֹֽד: