ת

קסט תִּקְרַ֤ב רִנָּתִ֣י לְפָנֶ֣יךָ יְהֹוָ֑ה, כִּדְבָרְךָ֥ הֲבִינֵֽנִי:

קע תָּב֣וֹא תְחִנָּתִ֣י לְפָנֶ֑יךָ, ֜כְּאִמְרָתְךָ֗ הַצִּילֵֽנִי:

קעא תַּבַּ֣עְנָה שְׂפָתַ֣י תְּהִלָּ֑ה, כִּ֖י תְלַמְּדֵ֣נִי חֻקֶּֽיךָ:

קעב תַּ֣עַן ֖לְשׁוֹנִי אִמְרָתֶ֑ךָ, כִּ֖י כׇל־מִצְוֹתֶ֣יךָ צֶֽדֶק:

קעג תְּהִי־יָדְךָ֥ לְעׇזְרֵ֑נִי, כִּ֖י פִקּוּדֶ֣יךָ֥ בָחָֽרְתִּי:

קעד תָּאַ֣בְתִּי לִישׁוּעָתְךָ֣ יְהֹוָ֑ה, ֜וְתוֹרָֽתְךָ֗ שַׁעֲשֻׁעָֽי:

קעה תְּֽחִי־֖נַפְשִׁי וּֽתְהַלְלֶ֑ךָּ, וּֽמִשְׁפָּטֶ֥ךָ יַעְזְרֻֽנִי:

קעו תָּעִ֗יתִי כְּשֶׂ֣ה ֖אֹבֵד בַּקֵּ֣שׁ עַבְדֶּ֑ךָ, כִּ֥י ֜מִצְוֹתֶ֗יךָ לֹ֣א שָׁכָֽחְתִּי: