ה

לג הוֹרֵ֣נִי ֖יְהֹוָה דֶּ֥רֶךְ חֻקֶּ֗יךָ, וְאֶצְּרֶ֥נָּה עֵֽקֶב:

לד ֖הֲבִינֵנִי וְאֶצְּרָ֥ה תוֹרָתֶ֗ךָ, וְאֶשְׁמְרֶ֥נָּה בְכׇל־לֵֽב:

לה ֖הַדְרִיכֵנִי בִּנְתִ֣יב מִצְוֹתֶ֑יךָ, כִּי־ב֥וֹ חָפָֽצְתִּי:

לו הַט־֖לִבִּי אֶל־עֵֽדְוֹתֶ֗יךָ, וְאַ֣ל אֶל־בָּֽצַע:

לז הַעֲבֵ֣ר ֖עֵינַי מֵרְא֣וֹת שָׁ֑וְא, בִּדְרָכֶ֥ךָ חַיֵּֽנִי:

לח הָקֵ֣ם ֖לְעַבְדְּךָֽ אִמְרָתֶ֑ךָ, ֜אֲשֶׁ֗ר לְיִרְאָתֶֽךָ:

לט הַעֲבֵ֣ר ֖חֶרְפָּתִי אֲשֶׁ֣ר יָגֹ֑רְתִּי, כִּ֖י מִשְׁפָּטֶ֣יךָ טוֹבִֽים:

מ ֖הִנֵּה תָּאַ֣בְתִּי לְפִקֻּדֶ֑יךָ, בְּצִדְקָתְךָ֥ חַיֵּֽנִי: