ח

נז חֶלְקִ֖י יְהֹוָ֥ה אָמַ֗רְתִּי, לִשְׁמֹ֥ר דְּבָרֶֽיךָ:

נח חִלִּ֣יתִי פָנֶ֣יךָ בְכׇל־לֵ֑ב, ֜חׇנֵּ֗נִי כְּאִמְרָתֶֽךָ:

נט חִשַּׁ֥בְתִּי דְרָכָ֑י, וָאָשִׁ֥יבָה ֜רַגְלַ֗י אֶל־עֵדֹתֶֽיךָ:

ס ֖חַשְׁתִּי וְלֹ֣א הִתְמַהְמָ֑הְתִּי, ֜לִשְׁמֹ֗ר מִצְוֹתֶֽיךָ:

סא חֶבְלֵ֣י רְשָׁעִ֣ים עִוְּדֻ֑נִי, ֜תּוֹרָֽתְךָ֗ לֹ֣א שָׁכָֽחְתִּי:

סב חֲצֽוֹת־לַ֗יְלָה ֖אָקֽוּם לְהוֹד֣וֹת לָ֑ךְ, ֜עַל מִשְׁפְּטֵ֥י צִדְקֶֽךָ:

סג חָבֵ֣ר ֖אָנִי לְכׇל־אֲשֶׁ֣ר יְרֵא֑וּךָ, ֜וּלְשֹׁמְרֵ֗י פִּקּוּדֶֽיךָ:

סד חַסְדְּךָ֣ ֖יְהֹוָה מָלְאָ֥ה הָאָ֗רֶץ, חֻקֶּ֥יךָ לַמְּדֵֽנִי: