ז

מט זְכֹר־דָּבָ֥ר לְעַבְדֶּ֑ךָ, ֜עַ֗ל אֲשֶׁ֣ר יִחַלְתָּֽנִי:

נ זֹ֣את נֶחָֽמָתִ֣י בְעׇנְיִ֑י, כִּ֖י אִמְרָתְךָ֣ חִיָּֽתְנִי:

נא ֖זֵדִים הֱלִיצֻ֣נִי עַד־מְאֹ֑ד, ֜מִתּֽוֹרָתְךָ֗ לֹ֣א נָטִֽיתִי:

נב זָ֘כַ֤רְתִּי מִשְׁפָּטֶ֖יךָ מֵעוֹלָ֥ם | יְהֹוָ֗ה, וָאֶתְנֶחָֽם:

נג זַלְעָפָ֣ה ֖אֲחָזַתְנִי מֵֽרְשָׁעִ֑ים, ֜עֹזְבֵ֗י תּוֹרָתֶֽךָ:

נד ֖זְמִרוֹת הָֽיוּ־לִ֥י חֻקֶּ֗יךָ, בְּבֵ֣ית מְגוּרָֽי:

נה זָ֘כַ֤רְתִּי בַלַּ֣יְלָה שִׁמְךָ֣ יְהֹוָ֑ה, ֜וָאֶשְׁמְרָ֗ה תּוֹרָתֶֽךָ:

נו זֹ֥את הָֽיְתָה־לִּ֑י, כִּ֖י פִקֻּדֶ֣יךָ נָצָֽרְתִּי: