ט

סה ֖טוֹב עָשִׂ֣יתָ עִֽם־עַבְדּךָ֑, ֜יְהֹוָ֗ה כִּדְבָרֶֽךָ:

סו ט֤וּב טַ֣עַם וָדַ֣עַת לַמּדֵ֑נִי, כִּ֖י במִצְוֹתֶ֣יךָ הֶאֱמָֽנְתִּי:

סז טֶ֣רֶם ֖אֶעֱנֶה אֲנִ֣י שֹׁגֵ֑ג, ֜ועַתָּ֗ה אִמְרָתךָ֥ שָׁמָֽרְתִּי:

סח טוֹב־אַתָּ֥ה וּמֵטִ֗יב, לַמּדֵ֥נִי חֻקֶּֽיךָ:

סט טָפל֬וּ עָלַ֣י שֶׁ֣קֶר זֵדִ֑ים, ֜אֲנִ֗י בּכׇל־לֵ֤ב | אֶצֹּ֬ר פִּקּוּדֶֽיךָ:

ע טָפַ֣שׁ כַּחֵ֣לֶב לִבָּ֑ם, ֜אֲנִ֗י תּוֹרָתךָ֥ שִֽׁעֲשָֽׁעְתִּי:

עא טֽוֹב־לִ֥י כִי־עֻנֵּ֑יתִי, ֜למַ֗עַן אֶלְמַ֥ד חֻקֶּֽיךָ:

עב טֽוֹב־לִ֥י תֽוֹרַת־פִּ֑יךָ, ֜מֵאַלְפֵ֗י זָהָ֥ב וָכָֽסֶף: