תהלים - סֵפֶר חֲמִישִׁי - קכח

צְרִיכִין רַק לִתְלוֹת עֵינָיו לַמָּרוֹם בְּכָל יוֹם תָּמִיד: (לקו"ה על פס' ב)

א שִׁ֗יר הַֽמַּ֫עֲל֥וֹת, ֖אַשְׁרֵֽי כׇּל־יְרֵ֣א יְהֹוָ֑ה ֜הַֽהֹלֵ֗ךְ בִּדְרָכָֽיו:

ב יְגִ֣יעַ ֖כַּפֶּיךָ כִּ֣י תֹאכֵ֑ל, ֜אַשְׁרֶ֗יךָ וְט֣וֹב לָֽךְ:

ג אֶשְׁתְּךָ֤ | כְּגֶ֥פֶן פֹּרִיָּה֘ בְּיַרְכְּתֵ֪י בֵ֫יתֶ֥ךָ, ֖בָּנֶיךָ כִּשְׁתִלֵ֣י זֵיתִ֑ים ֜סָבִ֗יב לְשֻׁלְחָנֶֽךָ:

ד הִנֵּ֣ה כִי־֖כֵן יְבֹ֥רַךְ גָּ֗בֶר, יְרֵ֣א יְהֹוָֽה:

ה יְבָרֶכְךָ֥ יְהֹוָ֗ה מִצִּ֫יּ֥וֹן, ֖וּרְאֵה בְּט֣וּב יְרֽוּשָׁלִָ֑ם ֜כֹּל יְמֵ֣י חַיֶּֽיךָ:

ו וּרְאֵֽה־בָנִ֥ים לְבָנֶ֑יךָ, ֜שָׁל֗וֹם עַל־יִשְׂרָאֵֽל:

קכח