י

כְּפִי בְּחִירָתוֹ וּכְפִי כִּסּוּפָיו וּכְפִי אֲמִתַּת הִתְחַזְּקוּתוֹ וֶאֱמוּנָתוֹ בְּה' יִתְבָּרַךְ, כְּמוֹ כֵן ה' יִתְבָּרַךְ מִתְגַּלְגֵּל עִמּוֹ בְּרַחֲמָיו: (לקו"ה על פס' י)

א לָמָ֣ה ֖יְהֹוָה תַּעֲמֹ֣ד בּרָח֑וֹק, ֜תַּעְלִ֗ים לעִתּ֥וֹת בַּצָּרָֽה:

ב בּגַאֲוַ֣ת ֖רָשָׁע יִדְלַ֣ק עָנִ֑י, יִתָָּֽפשׂ֓וּ | בִּמְזִמּ֖וֹת ז֣וּ חָשָֽׁבוּ:

ג כִּֽי־הִלֵּ֣ל ֖רָשָׁע עַל־תַּאֲוַ֣ת נַפְשׁ֑וֹ, וּבֹצֵ֥עַ ֜בֵּרֵ֗ךְ נִ֘אֵ֥ץ | יְהֹוָֽה:

ד רָשָׁ֗ע כּגֹ֣בַהּ ֖אַפּוֹ בַּל־יִדְרֹ֑שׁ, אֵ֥ין ֜אֱלֹהִ֗ים כׇּל־מזִמּוֹתָֽיו:

ה יָ֘חִ֤ילוּ דרָכָ֨ו | בּכׇל־עֵ֗ת, מָר֣וֹם ֖מִשְׁפָּטֶֽיךָ מִנֶּגְדּ֑וֹ, כׇּל־צ֜וֹררָ֗יו יָפִ֥יחַ בָּהֶֽם:

ו אָמַ֣ר ֖בּלִבּוֹ בַּל־אֶמּ֑וֹט, לדֹ֥ר ֜וָדֹ֗ר אֲשֶׁ֣ר לֹא־ברָֽע:

ז אָלָ֤ה | פִּ֣יהוּ ֖מָלֵא וּמִרְמ֣וֹת וָתֹ֑ךְ, תַּ֥חַת ֜לשׁוֹנ֗וֹ עָמָ֥ל וָאָֽוֶן:

ח יֵשֵׁ֤ב | בּמַאֲרַ֬ב חֲצֵרִ֗ים, ֖בַּֽמִּסְתָּרִים יַהֲרֹ֣ג נָקִ֑י, ֜עֵינָ֗יו לֽחֵלכָ֥ה יִצְפֹּֽנוּ:

ט יֶאֱרֹ֬ב בַּמִּסְתָּ֨ר | כּאַרְיֵ֬ה בסֻכֹּ֗ה, ֖יֶאֱרֹב לַחֲט֣וֹף עָנִ֑י, יַחְטֹ֥ף ֜עָנִ֗י בּמׇשְׁכ֥וֹ ברִשְׁתּֽוֹ:

י יִדְכֶּ֥ה ודכה יָשֹׁ֑חַ, ונָפַ֥ל ֜בַּעֲצוּמָ֗יו חֵ֣ל כָּאִֽים חלכאים:

יא אָמַ֣ר ֖בּלִבּוֹ שָׁ֣כַֽח אֵ֑ל, הִסְתִּ֥יר ֜פָּנָ֗יו, בַּל־רָאָ֥ה לָנֶֽצַח:

יב קוּמָ֤ה יְהֹוָ֗ה, ֖אֵל נשָׂ֣א יָדֶ֑ךָ, אַל־תִּשְׁכַּ֥ח עֲנָוִֽים עניים:

יג עַל־מֶ֤ה | נִאֵ֖ץ רָשָׁ֥ע | אֱלֹהִ֑ים, אָמַ֥ר ֜בּלִבּ֗וֹ לֹ֣א תִדְרֹֽשׁ:

יד רָאִ֡תָה, כִּי־אַתָּ֤ה | עָ֘מָ֤ל וָכַ֨עַס | תַּבִּיט֘, לָתֵ֪ת בּיָ֫דֶ֥ךָ, ֖עָלֶיךָ יַעֲזֹ֣ב חֵלֶ֑כָה, ֜יָת֗וֹם, אַתָּ֤ה | הָיִ֬יתָ עוֹזֵֽר:

טו ֖שׁבֹר זר֣וֹעַ רָשָׁ֑ע, ֜וָרָ֗ע תִּֽדְרוֹשׁ־רִשְׁע֥וֹ בַל־תִּמְצָֽא:

טז יְהֹוָ֣ה ֖מֶלֶךְ עוֹלָ֣ם וָעֶ֑ד, אָבד֥וּ ֜גוֹיִ֗ם מֵאַרְצֽוֹ:

יז תַּאֲוַ֬ת עֲנָוִ֣ים שָׁמַ֣עְתָּ יְהֹוָ֑ה, תָּכִ֥ין ֜לִבָּ֗ם, תַּקְשִׁ֥יב אׇזְנֶֽךָ:

יח לִשְׁפֹּ֥ט יָת֗וֹם וָ֫דָ֥ךְ, בַּל־יוֹסִ֥יף ע֑וֹד לַעֲרֹ֥ץ ֜אֱנ֗וֹשׁ מִן־הָאָֽרֶץ: