י

כְּפִי בְּחִירָתוֹ וּכְפִי כִּסּוּפָיו וּכְפִי אֲמִתַּת הִתְחַזְּקוּתוֹ וֶאֱמוּנָתוֹ בְּה' יִתְבָּרַךְ, כְּמוֹ כֵן ה' יִתְבָּרַךְ מִתְגַּלְגֵּל עִמּוֹ בְּרַחֲמָיו: (לקו"ה על פס' י)

א לָמָ֣ה ֖יְהֹוָה תַּעֲמֹ֣ד בְּרָח֑וֹק, ֜תַּעְלִ֗ים לְעִתּ֥וֹת בַּצָּרָֽה:

ב בְּגַאֲוַ֣ת ֖רָשָׁע יִדְלַ֣ק עָנִ֑י, יִתָָּֽפְשׂ֓וּ | בִּמְזִמּ֖וֹת ז֣וּ חָשָֽׁבוּ:

ג כִּֽי־הִלֵּ֣ל ֖רָשָׁע עַל־תַּאֲוַ֣ת נַפְשׁ֑וֹ, וּבֹצֵ֥עַ ֜בֵּרֵ֗ךְ נִ֘אֵ֥ץ | יְהֹוָֽה:

ד רָשָׁ֗ע כְּגֹ֣בַהּ ֖אַפּוֹ בַּל־יִדְרֹ֑שׁ, אֵ֥ין ֜אֱלֹהִ֗ים כׇּל־מְזִמּוֹתָֽיו:

ה יָ֘חִ֤ילוּ דרָכָ֨ו | בְּכׇל־עֵ֗ת, מָר֣וֹם ֖מִשְׁפָּטֶֽיךָ מִנֶּגְדּ֑וֹ, כׇּל־צ֜וֹרְרָ֗יו יָפִ֥יחַ בָּהֶֽם:

ו אָמַ֣ר ֖בְּלִבּוֹ בַּל־אֶמּ֑וֹט, לְדֹ֥ר ֜וָדֹ֗ר אֲשֶׁ֣ר לֹא־בְרָֽע:

ז אָלָ֤ה | פִּ֣יהוּ ֖מָלֵא וּמִרְמ֣וֹת וָתֹ֑ךְ, תַּ֥חַת ֜לְשׁוֹנ֗וֹ עָמָ֥ל וָאָֽוֶן:

ח יֵשֵׁ֤ב | בְּמַאְֲרַ֬ב חֲצֵרִ֗ים, ֖בַּֽמִּסְתָּרִים יַהֲרֹ֣ג נָקִ֑י, ֜עֵינָ֗יו לְֽחֵלְכָ֥ה יִצְפֹּֽנוּ:

ט יֶאֱרֹ֬ב בַּמִּסְתָּ֨ר | כְּאַרְיֵ֬ה בְסֻכֹּ֗ה, ֖יֶאֱרֹב לַחֲט֣וֹף עָנִ֑י, יַחְטֹ֥ף ֜עָנִ֗י בְּמׇשְׁכ֥וֹ בְרִשְׁתּֽוֹ:

י יִדְכֶּ֥ה ודְכה יָשֹׁ֑חַ, וְנָפַ֥ל ֜בַּעֲצוּמָ֗יו חֵ֣ל כָּאִֽים חלכאים:

יא אָמַ֣ר ֖בְּלִבּוֹ שָׁ֣כַֽח אֵ֑ל, הִסְתִּ֥יר ֜פָּנָ֗יו, בַּל־רָאָ֥ה לָנֶֽצַח:

יב קוּמָ֤ה יְהֹוָ֗ה, ֖אֵל נְשָׂ֣א יָדֶ֑ךָ, אַל־תִּשְׁכַּ֥ח עֲנָוִֽים עניים:

יג עַל־מֶ֤ה | נִאֵ֖ץ רָשָׁ֥ע | אֱלֹהִ֑ים, אָמַ֥ר ֜בְּלִבּ֗וֹ לֹ֣א תִדְרֹֽשׁ:

יד רָאִ֡תָה, כִּי־אַתָּ֤ה | עָ֘מָ֤ל וָכַ֨עַס | תַּבִּיט֘, לָתֵ֪ת בְּיָ֫דֶ֥ךָ, ֖עָלֶיךָ יַעֲזֹ֣ב חֵלֶ֑כָה, ֜יָת֗וֹם, אַתָּ֤ה | הָיִ֬יתָ עוֹזֵֽר:

טו ֖שְׁבֹר זְר֣וֹעַ רָשָׁ֑ע, ֜וָרָ֗ע תִּֽדְרוֹשׁ־רִשְׁע֥וֹ בַל־תִּמְצָֽא:

טז יְהֹוָ֣ה ֖מֶלֶךְ עוֹלָ֣ם וָעֶ֑ד, אָבְד֥וּ ֜גוֹיִ֗ם מֵאַרְצֽוֹ:

יז תַּאֲוַ֬ת עֲנָוִ֣ים שָׁמַ֣עְתָּ יְהֹוָ֑ה, תָּכִ֥ין ֜לִבָּ֗ם, תַּקְשִׁ֥יב אׇזְנֶֽךָ:

יח לִשְׁפֹּ֥ט יָת֗וֹם וָ֫דָ֥ךְ, בַּל־יוֹסִ֥יף ע֑וֹד לַעֲרֹ֥ץ ֜אֱנ֗וֹשׁ מִן־הָאָֽרֶץ: