ג

יִּתְגַּבֵּר בְּרָצוֹן וְהִשְׁתּוֹקְקוּת חָזָק כָּל כָּךְ, עַד שֶׁיִּזְכֶּה בְּתוֹךְ כָּךְ לְהִתְעוֹרֵר מִשְּׁנָתוֹ וּלְחַזֵּק יָדוֹ בַּה' לִבְלִי לְיָאֵשׁ עַצְמוֹ מֵהַתִּקְוָה הַטּוֹבָה: (לקו"ה על פס' ב-ז)

א מִזְמ֥וֹר לְדָוִ֑ד, ֜בְּבׇרְח֗וֹ מִפְּנֵ֤י | אַבְשָׁל֬וֹם בְּנֽוֹ:

ב ֖יְהֹוָה מָה־רַבּ֣וּ צָרָ֑י, ֜רַבִּ֗ים קָמִ֥ים עָלָֽי:

ג רַבִּֽים֘ אֹמְרִ֪ים לְנַ֫פְשִׁ֥י, אֵ֤ין יְֽשׁוּעָ֓תָה לּ֬וֹ בֵאלֹהִ֬ים סֶֽלָה:

ד וְאַתָּ֣ה ֖יְהֹוָה מָגֵ֣ן בַּעֲדִ֑י, ֜כְּבוֹדִ֗י וּמֵרִ֥ים רֹאשִֽׁי:

ה ֖קוֹלִי אֶל־יְהֹוָ֣ה אֶקְרָ֑א, וַיַּעֲנֵ֨נִי מֵהַ֖ר קׇדְשׁ֣וֹ סֶֽלָה:

ו אֲנִ֥י שָׁכַ֗בְתִּי וָאִ֫ישָׁ֥נָה, הֱקִיצ֑וֹתִי כִּ֖י יְהֹוָ֣ה יִסְמְכֵֽנִי:

ז לֹֽא־֖אִירָא מֵרִבְב֥וֹת עָ֑ם, אֲשֶׁ֥ר ֜סָבִ֗יב שָׁ֣תוּ עָלָֽי:

ח ק֘וּמָ֤ה יְהֹוָ֨ה | הוֹשִׁ֘יעֵ֤נִי אֱלֹהַ֗י, כִּי־הִכִּ֣יתָ אֶת־כׇּל־אֹיְבַ֣י לֶ֑חִי, שִׁנֵּ֖י רְשָׁעִ֣ים שִׁבַּֽרְתָּ:

ט לַיהֹוָ֥ה הַיְשׁוּעָ֑ה, עַל־עַמְּךָ֖ בִרְכָתֶ֣ךָ סֶּֽלָה: