יתגבר ברצון והשתוקקות חזק כל כך, עד שיזכה בתוך כך להתעורר משנתו ולחזק ידו בה' לבלי ליאש עצמו מהתקוה הטובה: (לקו"ה על פס' ב-ז)
א מזמור לדוד, בברחו מפני | אבשלום בנו:
ב יהוה מה־רבו צרי, רבים קמים עלי:
ג רבים אמרים לנפשי, אין ישועתה לו באלהים סלה:
ד ואתה יהוה מגן בעדי, כבודי ומרים ראשי:
ה קולי אל־יהוה אקרא, ויענני מהר קדשו סלה:
ו אני שכבתי ואישנה, הקיצותי כי יהוה יסמכני:
ז לא־אירא מרבבות עם, אשר סביב שתו עלי:
ח קומה יהוה | הושיעני אלהי, כי־הכית את־כל־איבי לחי, שני רשעים שברת:
ט ליהוה הישועה, על־עמך ברכתך סלה: