פז

מִי שֶׁמַּזְכִּיר עַצְמוֹ בְּכָל פַּעַם שֶׁשֵּׁם יִשְֹרָאֵל נִקְרָא עָלָיו אַף אִם הוּא כְּמוֹ שֶׁהוּא, בְּקַל יוּכַל לָשׁוּב לַה' יִתְבָּרַךְ: (לקו"ה על פס' ו)

א לִבְנֵי־קֹ֖רַח מִזְמ֣וֹר שִׁ֑יר, ֜יְסוּדָת֗וֹ בְּהַרְרֵי־קֹֽדֶשׁ:

ב אֹהֵ֣ב ֖יְהֹוָה שַׁעֲרֵ֣י צִיּ֑וֹן, ֜מִכֹּ֗ל מִשְׁכְּנ֥וֹת יַעֲקֹֽב:

ג ֖נִכְבָּדוֹת מְדֻבָּ֣ר בָּ֑ךְ, עִ֖יר הָאֱלֹהִ֣ים סֶֽלָה:

ד אַזְכִּ֤יר | רַ֥הַב וּבָבֶ֗ל לְיֹ֫דְעָ֥י, הִנֵּ֤ה פְלֶ֣שֶׁת וְצֹ֣ר עִם־כּ֑וּשׁ, ֜זֶה יֻלַּד־שָֽׁם:

ה וּֽלֲצִיּ֨וֹן | יֵאָמַ֗ר אִ֣ישׁ ֖וְאִישׁ יֻלַּד־בָּ֑הּ, וְה֖וּא יְכוֹנְנֶ֣הָ עֶלְיֽוֹן:

ו יְֽהֹוָ֗ה ֖יִסְפֹּר בִּכְת֣וֹב עַמִּ֑ים, זֶ֖ה יֻלַּד־שָׁ֣ם סֶֽלָה:

ז וְשָׁרִ֥ים כְּחֹֽלְלִ֑ים, כׇּֽל־מַעְיָנַ֥י בָּֽךְ: