ע

בָּזֶה תָּלוּי עִקַּר הַתְּשׁוּבָה, לִבְלִי לְיָאֵשׁ עַצְמוֹ אֲפִלּוּ בְּדַלֵּי דַּלּוּת, בְּכָל הַבְּחִינוֹת שֶׁהוּא עָנִי וָדַל מִן הַדַּעַת וּמִמַּעֲשִׂים טוֹבִים: (לקו"ה על פס' ו)

א ֜לַֽמְנַצֵּ֗חַ, לְדָוִ֥ד לְהַזְכִּֽיר:

ב אֱלֹהִ֥ים לְהַצִּילֵ֑נִי, ֜יְהֹוָ֗ה לְעֶזְרָ֥תִי חֽוּשָׁה:

ג יֵבֹ֣שׁוּ וְיַחְפְּרוּ֘ מְבַקְשֵׁ֪י נַ֫פְשִׁ֥י, יִסֹּ֣גוּ ֖אָחוֹר וְיִכָּֽלְמ֑וּ ֜חֲפֵצֵ֗י רָעָתִֽי:

ד ֖יָשׁוּבוּ עַל־עֵ֣קֶב בׇּשְׁתָּ֑ם, ֜הָאֹמְרִ֗ים הֶ֘אָ֥ח | הֶאָֽח:

ה יָ֘שִׂ֤ישׂוּ וְיִשְׂמְח֨וּ | בְּךָ֗ כׇּֽל־מְבַ֫קְשֶׁ֥יךָ, וְיֹֽאמְר֣וּ ֖תָמִֽיד יִגְדַּ֣ל אֱלֹהִ֑ים, ֜אֹֽהֲבֵ֗י יְשֽׁוּעָתֶֽךָ:

ו וַֽאֲנִ֤י | עָנִ֣י וְאֶבְיֽוֹן֘, אֱלֹהִ֪ים חֽוּשָׁ֫ה לִּ֥י, עֶזְרִ֣י וּמְפַלְטִ֣י אַ֑תָּה, ֜יְהֹוָ֗ה אַל־תְּאַחַֽר: