פ

קכט פְּלָא֥וֹת עֵֽדְוֹתֶ֑יךָ, עַל־֜כֵּן נְצָרָ֥תַם נַפְשִֽׁי:

קל פֵּ֖תַח־דְּבָרֶ֥יךָ יָאִ֗יר, מֵבִ֥ין פְּתָיֽיִם:

קלא פִּֽי־֖פָעַרְתִּי וָאֶשְׁאָ֑פָה, כִּ֖י לְמִצְוֹתֶ֣יךָ יָאָֽבְתִּי:

קלב פְּנֵֽה־אֵלַ֥י וְחׇנֵּ֑נִי, ֜כְּמִשְׁפָּ֗ט לְאֹהֲבֵ֥י שְׁמֶֽךָ:

קלג ֖פְּעָמַי הָכֵ֣ן בְּאִמְרָתֶ֑ךָ, וְֽאַל־תַּשְׁלֶט־בִּ֥י כׇל־אָֽוֶן:

קלד ֖פְּדֵֽנִי מֵעֹ֣שֶׁק אָדָ֑ם, ֜וְאֶשְׁמְרָ֗ה פִּקּוּדֶֽיךָ:

קלה ֖פָּנֶיךָ הָאֵ֣ר בְּעַבְדֶּ֑ךָ, ֜וְלַמְּדֵ֗נִי אֶת־חֻקֶּֽיךָ:

קלו פַּלְגֵי־֖מַיִם יָֽרְד֣וּ עֵינָ֑י, ֜עַל לֹֽא־שָׁמְר֥וּ תוֹרָתֶֽךָ: