נג

עִקַּר הַשִּמְחָה שֶׁהוּא הַחִיּוּת הוּא עַל יְדֵי נְקֻדַּת הָאֱמֶת שֶׁבְּלֵב אִישׁ הַיִּשְׂרְאֵלִי, שֶׁנַּפְשׁוֹ יוֹדַעַת מְאֹד קְדֻשַּׁת אֱמוּנַת יִשְׂרָאֵל, שֶׁזֶּה כָּל שִׂמְחָתֵנוּ: (לקו"ה על פס' ז)

א לַֽמְנַצֵּ֥חַ עַל־מָחֲלַ֗ת, מַשְׂכִּ֥יל לדָוִֽד:

ב אָ֘מַ֤ר נָבָ֣ל ֖בּלִבּוֹ אֵ֣ין אֱלֹהִ֑ים, ֜הִֽשׁחִ֗יתוּ והִֽתעִ֥יבוּ ֜עָ֗וֶל, אֵ֣ין עֹֽשֵׂה־טֽוֹב:

ג אֱֽלֹהִ֗ים מִשָּׁמַיִם֘ הִשְׁקִ֪יף עַֽל־בּנֵי־אָ֫דָ֥ם, ֖לִרְאוֹת הֲיֵ֣שׁ מַשְׂכִּ֑יל ֜דֹּרֵ֗שׁ אֶת־אֱלֹהִֽים:

ד כֻּלּ֥וֹ סָג֘ יַחְדָּ֪ו נֶ֫אֱלָ֥חוּ, אֵ֤ין עֹֽשֵׂה־ט֑וֹב, ֜אֵין גַּם־אֶחָֽד:

ה הֲלֹ֥א יָֽדעוּ֘ פֹּ֤עֲלֵ֫י אָ֥וֶן, אֹכלֵ֣י ֖עַמִּי אָ֣כלוּ לֶ֑חֶם, ֜אֱלֹהִ֗ים לֹ֣א קָרָֽאוּ:

ו שָׁ֤ם | פָּ֥חֲדוּ־פַחַד֘, לֹא־הָ֪יָ֫ה פָ֥חַד, כִּֽי־אֱלֹהִ֗ים ֖פִּזַּר עַצְמ֣וֹת חֹנָ֑ךְ, ֜הֱבִישֹׁ֗תָה כִּֽי־אֱלֹהִ֥ים מאָסָֽם:

ז מִ֥י יִתֵּ֣ן מִצִּיּוֹן֘ ישֻׁע֪וֹת יִשְׂרָ֫אֵ֥ל, בּשׁ֣וּב ֖אֱלֹהִים שׁב֣וּת עַמּ֑וֹ, יָגֵ֥ל ֜יַעֲקֹ֗ב יִשְׂמַ֥ח יִשְׂרָאֵֽל: